ဝက်ခြေထောက်စွပ်ပြုတ်လုပ်ရန်အတွက် ဝက်ခြေထောက် (သို့) ဝက်လက်များကို အနေတော်အရွယ် အတုံးလေးများပိုင်းပြီး ရေစင်အောင်ဆေးပါ။ ပြီးလျှင် ရေနွေးပွက်ပွက်ဆူထဲတွင် မိနစ် ၂၀ လောက်စိမ်ထားပြီး ဝက်မွှေးအမျှင်အနုများကို ဓားနှင့် သန့်စင်သွားအောင် ခြစ်ထုတ်ပြစ်ကာ ရေဆေးထားပါ။ ပြုတ်မည့်အိုးထဲသို့ ဆီကိုပါတယ်ဆိုရုံထည့်ကာ ဆီပူလာလျှင် သကြား လက်ဘက်ရည်ဇွန်း တစ်ဇွန်းစာလောက် ထည့်ပြီး သကြားရောင် အညိုရောင်သမ်းလာသည်အထိ လှော်ပေး၍ ဓားပြားရိုက်ထားသော ဂျင်းနှင့် ကြက်သွန်ဖြူ အနည်းငယ်ကို ထည့်ပြီးမွှေပေးပါ။ ထို့နောက် ဝက်ခြေထောက်များကို ထည့်ပြီး ဆား၊ငရုတ်ကောင်း၊ပဲငံပြာရည် အကြည်၊ ပဲငံပြာအနောက်၊ ငံပြာရည် တို့ကို အနည်းငယ်ဆီ ထည့်ကာ အထက်အောက်မွှေကာ ခဏကြာမျှအနံ့မွှေး နေအောင်လုံးပေးပါ။ ခဏကြာမျှလုံးပြီးလျှင် ရေမြုတ်အောင်ထည့်၍ ပွက်ပွက်ဆူလာပြီး အသားများနူးအိလာသည်အထိ အဖုံးကို အလုံပိတ်ကာ တည်ထားပါ။ ဒေါ်ပုကတော့ ဝက်ခြေထောက်စွပ်ပြုတ်ကို ပေါင်းအိုး(Pressure Cooker) နှင့်ပဲ ပြုတ်ပါတယ်။ နာရီဝက်လောက် တည်ထားလျှင် အသားများ နူးအိပြီး အချိန်ကုန်လဲသက်သာပြီး အရသာလဲ ပိုကောင်းပါတယ်။ ပေါင်းအိုး(Pressure Cooker) နှင့် ပြုတ်မည်ဆိုလျှင် နာရီဝက်လောက်ကြာအောင် ပြုတ်ပြီး မီးပိတ်ထားကာ အိုးအဖုံးကို ချက်ချင်းမဖွင့်ရပါ။ အပူအငွေ့ကုန်၍ မိနစ် ၂၀ လောက်ကြာအောင်ထားပြီးမှ အိုးအဖုံးကိုဖွင့်ကာ အပေါ့အငံမြည်းပြီး သုံးဆောင်ပါ။ အရသာရှိသော ဝက်ခြေထောက်စွပ်ပြုတ် ပူပူလေးကို ကြက်သွန်မိတ်၊ငရုတ်ကောင်း တို့ထည့်ပြီး ဝက်ခြေထောက်အသားအိအိလေးများကို ငရုတ်ဆီအချဉ်ရည်လေးနှင့် တို့စားကာ အရသာရှိရှိ သုံးဆောင်နိုင်ပါပြီရှင်။
